Новости - Astana Agartu

Главная / Новости

01-12 ақпан аралығында өтетін «Өзін-өзі тану: Махаббат пен Шығармашылық педагогикасы» атты республикалық онкүндіктің ашылуы

13.02.2018

2018 жылдың 1–12 ақпан аралығында «Өзін-өзі тану: Махаббат пен шығармашылық педагогикасы» атты республикалық онкүндік аясында өткізілетін іс-шаралар жоспары құрылып, бекітілді.
Мақсаты: Өзін-өзі тану – рухани өркендеудің түп тамыры, адамгершілік құндылықтардың негізі және махаббат пен шығармашылықтың бастауы екендігін кеңінен түсіндіру.
«Өзін-өзі тану» пәні адамға шынайы бақытқа, өмірлік қанағаттану мен ішкі тыныштыққа жетуге мүмкіндік береді, мінездің кемелденуін және тұтас үйлесімді тұлғаның дамуын қамтамасыз етеді. “Өзін-өзі тану” пәнінің мақсаты – рухани-адамгершілік құндылықтарға негізделген ойы, сөзі, ісі бірлікте өмір сүретін, кемел мінезді адам дамыту.
Сондықтан, биылғы жылғы іс-шара жоспары осы ерекшеліктерді негізге ала отырып, құрылды. Мектеп фойесіндегі теледидардан алғашқы күннің /01.02./ таңғы ертесінен Сара Алпысқызы туралы, өткен жылғы онкүндік аясында атқарылған іс-шаралар туралы «Өзін-өзі тану-даналықтың өзегі», «Бес құндылық» бейнебаяндары көрсетіліп тұрды.


Мектеп фойесіндегі безендірулер

Кітап көрмесі шығармашылық жұмыс көрмесі
01.02.2018 жылы Дарынды балаларға арналған № 9 «Зерде» мектебінде Қазақстанның бірінші ханымы, «Бөбек» балалар қайырымдылық қорының Президенті, «Өзін-өзі тану» оқулығының авторы Сара Алпысқызы Назарбаеваның туған күніне орай 1-12 ақпан аралығында жылда дәстүрлі өтетін «Өзін-өзі тану: Махаббат пен Шығармашылық педагогикасы» атты республикалық онкүндігінің салтанатты ашылуы болды.
Ашылу салтанатында Қазақстанның бірінші ханымы, «Бөбек» балалар қайырымдылық қорының Президенті Сара Алпысқызы Назарбаеваның өмір жолы, жалпы адамзаттық рухани құндылықтарға бастайтын қайырымдылық іс-шаралары, еліміздегі адамгершілік-рухани білім беруінің дамуына қосқан өлшеусіз үлесі, жер бетінде өмір сүрген барлық халықтардың арманы – өзара түсіністік пен сыйластықты сақтауы деген қағидасын түсіндіре отырып, "Өзін - өзі тану" әлемінің басты мақсаты – ұл-қыздарымызды жеке өзімен және өзін қоршаған ортамен үйлесімділікпен өмір сүруге баулу. Сара Алпысқызының ұлағатты ұстанымдары арқылы жас ұрпақтың жүрегіндегі өмірге, ата-анасына, ең жақын адамдарына, жалпы адам атаулыға деген бауырмалдық, сүйіспеншілік, махаббат, достық секілді ізгілік қасиеттерге тәрбиелеу екендігін айта отырып, уақытқа бағынбайтын, ешқандай ортамен, қоғаммен шектелмейтін, бүкіл адамзат үшін маңызы зор құндылықтар - Жалпыадамзаттық құндылықтарға ерекше мән берілді.

онкүндіктің ашылу сәтінен мектеп директоры Ә.Жәнібекова
құттықтау сөз сөйледі

оқушылар 5 құндылық жәйлі Өзін-өзі тану пәні мұғалімі
өлеңдер оқуда Бірмағанбетова Ә.Ә.

естелік сурет