ҚАЗАҚСТАН РЕСПУБЛИКАСЫ ТҰҢҒЫШ ПРЕЗИДЕНТІ КҮНІНЕ АРНАЛҒАН 1-СЫНЫП ОҚУШЫЛАРЫ АРАСЫНДА «ӘКЕМ, ШЕШЕМ ЖӘНЕ МЕН» АТТЫ ЖАНҰЯЛЫҚ ЖАРЫС ӨТТІ
28.11.2017
Мектеп пен отбасының, психологиялық қызмет пен ата-ананың өзара байланысының формалары мен әдістерін жетілдіру, мектеп пен отбасының бірлескен жұмысын жүйелеу, үйлестіру және кіріктіру мақсатында 1- сынып оқушылары арасында « Әкем, шешем және мен» атты жанұялық жарыс өтті.
Жарыс 6 түрлі бөлімнен тұрды. Сайысқа барлық команда қатысып, сынға түсті. Ата-ана - тәрбиенің шырағы екеніне көзіміз жетті. Барлық топта әкелер аса белсенділік танытты. Жер бетін құлпыртқан алқызыл гүлдер сияқты әр отбасы өз балаларымен іс-шараға көрік берді. Жарысқа қатысушылар ішінде: Тайтлеуовтер, Базарбаевтар, Айтымбетовтар, Даутовтар, Айлабаевтар, Асилхановтар, Асановтар, Тұрғын отбасылары белсенділік танытты.
«Балапан ұяда не көрсе, ұшқанда соны іледі» деген нақыл сөз бар. Осы іс-шараны өткізу арқылы ата-ана мен мектептің ынтымақтастық педагогика шарттары, отбасы мәртебесін арттыруға ықпал ететін шығармашылық іс-әрекет жүзеге асты.
Бала тәрбиесі бір күннің ісі емес. Олай болса болашақ ұрпақтың дамуына үлес қосатын игі шаралар жалғасын таба берері сөзсіз.
Отбасы-тәрбиенің бал-бұлағы,
Баланың жұмбақ мекен, бақ тұрағы.
Шаңырағы шаттық толы асыл мекен,
Жайқалсын жағасында көк тұрағы.
Жалпы мектебіміз өз жұмысында ата-аналармен байланыста болуды басты бағыт ретінде қарай береді.
Обсуждения сообщества
Обсуждений не найдено
.jpg)
-.jpg)
