«Алтайдың асқақ жыршысы»
Бүгін Ұлттық музейдің Ғылыми кітапхана залында Астана қаласы әкімдігі «Әдістемелік орталығының» ұйымдастыруымен сөз өнерінің зергері, Оралхан Бөкейдің 80 жылдық мерейтойына орай «Алтайдың асқақ жыршысы» атты қалалық педагогикалық оқу өтті. Оқу екі кезеңнен тұрды, екінші кезеңге үздік деп танылған жұмыстар жіберілді. Ұсынылған жұмыстар жазушы шығармашылығына арналып, «О.Бөкей шығармалары арқылы оқушылардың танымдық қабілетін дамыту», «О. Бөкей шығармалары арқылы оқушылардың функционалдық сауаттылығын дамыту», «О. Бөкей шығармаларындағы өмір шындығы» және «О.Бөкей шығармаларындағы ұлттық құндылықтар» сынды тақырыптарда ұстаздар өз іс-тәжірибелерімен бөлісті. Қалалық педагогикалық оқуға Т.Бигелдинов атындағы №1 мектеп-лицейінің қазақ тілі мен әдебиеті пәнінің мұғалімі Дінислам Сағыныш Саятқызы белсене қатысты. Іс-шараға қатысқан ұстаздар тек тәжірибе алмасып қоймай, сертификаттармен марапатталды.
Жаңалықты мекеменің сайтында қарау
