Бейінделу тренингі
01.10.2021Бейінделу тренингі
1 қазан күні, Мұғалімдер мерекесінің қарсаңында, мектебімізге жаңадан келген педагогтерге арналған бейінделу Тренингі өткізілді. Тренингтің негізгі мақсаты – педагогикалық әрекеттесудің маңызды аспектілерінің бірі болып табылатын коммуникативтік құзіреттілікті жетілдіру және корпоративтік мәдениетті дамыту жұмыстары арқылы жаңадан келген мұғалімдерге әкімшілік және ұжымдық қолдау көрсету.
Іс-шара барысында мұғалімдермен танысу тренингі жүргізіліп, дұрыс коммуникация жасаудың маңыздылығын ашатын «Саңырау телефон» ойыны ойнатылды. Қатысушылар тиімді қарым-қатынас жасау үшін не кедергі болады деген сауал төңірегінде өз ойларын ортаға салып, педагогикалық имидждің негізін қалайтын корпоративті мәдениеттің ережелерін құрастырды. Тренингтің қорытынды бөлімінде қатысушы мұғалімдерге заманауи білім берудегі PR-технологиясының ерекшеліктері туралы ұсынылған ақпараттарды практикада пайдалану жұмысы ұсынылды. Рефлексия барысында жаңадан келген мұғалімдер іс-шараның тиімділігі мен маңыздылығы жоғары болғанын атап өтіп, осындай ұжымдық-әкімшілік қолдау тапқанға алғыстарын білдірді.
Community discussions
Обсуждений не найдено
.jpg)
-.jpg)
