"Асыл сөзді іздесең, Абайды оқы, ерінбе" тақырыбында Абай оқулары байқауы өтті
06.02.2020Бүгін, 5 ақпан күні мектебімізде "Асыл сөзді іздесең, Абайды оқы, ерінбе" тақырыбында Абай оқулары байқауы өтті. Байқаудың мақсаты Абай шығармаларын нақышына келтіре мәнерлеп оқу, поэзияны сүюге, шығармашылыққа баулу. Байқау "Өлең - сөздің патшасы..." мәнерлеп оқу, "Қарасөзі - өшпес мұра" қарасөздерінен оқу және "Жыр жазғанмын Абайдың үлгісімен" өз шығармаларын арнау сынды бөлімдерінен тұрды. Барлығы 5-9-сыныптар арасынан 40-қа жуық оқушы қатысты. Әр қатысушы Абай шығармаларын шабыттана жырлап, қарасөздерін жүректен өткізе жеткізіп, арнау өлеңдері арқылы ақындық қабілеттерін көрсетті. Мәнерлеп оқу сайысынан І орынды Амангелді Аружан, ІІ орынды Естемес Балнұр, ІІІ орынды Рамазанова Сабина, қарасөз жарысында І орынды Тұяқбай Ақнұр, ІІ орынды Скендір Аружан, ІІІ орынды Орынбасар Нұрислам, ақындық мүшайрада І орынды Мейірхан Нұржалғас, ІІ орынды Сағынай Жаннұр, ІІІорынды Шынбергенова Айжан иеленді. Елбасымыз өзінің халыққа Жолдауында "... Ұлылардың өмірі мен тағлымы арқылы ұрпағын тәрбиелеу ежелден-ақ келе жатқан үрдіс. Абай тағылымы білімнің де, тәрбиенің де қайнар бұлағы" дегендей ұлы ақынның мұрасы келер ұрпақтың жарқын болашағы екені сөзсіз.
Community discussions
Обсуждений не найдено
.jpg)
-.jpg)
