Новости - Astana Agartu

Home / News

Методы и технологии критериального оценивания учебных достижений обучающихся в рамках реализации обновленного содержания образования

07.02.2018

2018 жылғы 1 ақпан күні «№3 мектеп-гимназия» ММ негізінде «Рухани жаңғыру» бағдарламасын жүзеге асыру шеңберінде Астана қаласы білім беруді жаңғырту орталығының қолдауымен «Методы и технологии критериального оценивания учебных достижений обучающихся в рамках реализации обновленного содержания образования" оқыту семинар-практикумы өткізілді.

Семинар мақсаты: «Рухани жаңғыру» бағдарламасын жүзеге асыру шеңберінде жаңартылған білім беру мазмұнында критериалды бағалауды қолдану бойынша қала мектептері арасында тәжірибемен алмасу.

Семинар қонақтары мен қатысушыларын «IT SCHOOL ROBOTICS» көрме қатысушылары қарсы алды, №3 мектеп-гимназиясының оқушылары LegoMINDSORMS-қа (орта буын) WoDo (бастауыш мектеп) робот түрлерінің жұмысын, Arduino ілгері деңгейі үшін робототехника және қоршаған әлемді талдайтын бағдарлама құрастыруын (жоғары сыныптар), роботтар және басқа да жобалар үшін 3D бөлшектерін әзірлеу, «Рухани жаңғыру» бағдарлама таңбасын 3D принтерінде басып шағаруды көрсетті.

«Жаңартылған білім беру мазмұны» кластер серіктестік мектептерінің критериалды бағалау бойынша үйлестірушілері өз жұмыс тәжірибелерімен бөлісті: С.В.Орлова (№1 мл), Р.О.Байманов ( №2 мг), Л.Ю.Кан ( №6 мг), К.Т.Зейнелова ( №63 мг), В.А.Мандрикова ( "Почемучка" б\б ), олар қатысушылармен суммативті және формативті бағалауды жүзеге асыру бойынша тәжірибелерімен бөлісті, оқушылар және ата-аналармен жұмыс бойынша педагогтардың атқарған жұмыстарымен таныстырды және жаңартылған білім беру мазмұнын жүзеге асыратын қатысушы мектеп әкімшіліктерінің және педагогтарының назарын критериалды бағалау бойынша жұмыс ерекшеліктеріне аударды.

Семинардың тәжірибелік бөлімін 2,5,7-ші сынып оқушыларымен критериалды бағалау бойынша түрлі әдістер мен технологияларды қолданатын тәжірибелі жаңашыл педагогтар ашық сабақтар және шебер-сыныптар түрінде ұсынды.
«Рухани жаңғыру» бағдарламасын қолдаушы мектептің дебат клубы «Біз, Қазақстан қоғамы ретінде, ұлттық сәйкестікті сақтауымыз қажет» тақырыбы бойынша ойын өткізді.

Қалалық семинар-практикумның қорытынды бөлігі «Ашық микрофон» пікірсайыс түрінде өтті, пікірсайыс барысында қала мектептерінің әкімшіліктері мен педагогтары жаңартылған білім беру мазмұнын енгізу аспектерінің проблемалық және жақсы жақтарын, болашақтағы дамуын талдады.

Мектеп-гимназиясының оқушылары инстаграм - it_school-3 мектеп парақшасында семинардан тікелей эфир жүргізді.
Семинарда білім беруді жаңғырту орталығының директоры Г.К.Ибраева; педагогикалық ғылымының кандидаты, профессор Ф.Я.Вассерман;
ПШО жаттықтырушысы З.Е.Идришева, «Өрлеу» БАҰО АҚ жаттықтырушысы Л.Я.Пырлик, Астана қаласы мектептерінің критериалды бағалау бойынша кураторлары және директорларының орынбасарлары қатысты.