Новости - Astana Agartu

Home / News

«Жүйрік менің тұлпарым»

10.01.2017

Таяуда Алматы қаласында белгілі балалар сазгері, мәтінгер Бота Бейсенованың шығармашылығына арналған «Жүйрік менің тұлпарым» атты республикалық байқауы өтті. Онда еліміздің түкпір-түкпірінен жиналған әнші, биші болуға талаптанған шәкірттер бақ сынады. Мектебіміздің ашылғанына көп болмаса да Астана қаласындағы №80 мектеп-гимназиясынан бір топ үміткер бақтарын сынауға қатысты. «Бақ шаба ма, бап шаба ма?» демекші жас ерекшеліктеріне байланысты 6 - сынып оқушысы Мерей Тұрмағанбетова Бас жүлдені иеленсе, 4-сынып оқушылары Самиғолла Ақзада І орын, Әлімбай Арайлым және Абдуалиев Нариман ІІ орын, Картова Жания және Саматұлы Нұржігіт ІІІ орынды бөлісті. Сондай-ақ Мерей Тұрмағанбетова 2016 ж Республикалық «Самға жұлдыз» І орын, 2016 халықаралық «Жұлдызды Алматы-Звездное небо Алматы» І орын иегері атанды. Мектебімізде өнерлі жастар көп. Айта кетсек, 8-сыныпта оқитын жетігенші әрі әнші Перизат Белқожа қалалық «Асыл мұра» байқауының ІІ орын жүлдегері. 3-сынып оқушысы Укошева Аружан бірнеше республикалық, халықаралық конкурстардың жүлдегері, 38 медальдің иегері.

Шайдилда Мадина 4-сынып, Карина Даяна 3-сынып, Буртебаева Жанайым 1- сынып, Ырысбек Ая 1-сынып оқушылары 2016 жылы болған Халықаралық «Бейбітшілік Әлемі World of Peace» конкурсының жүлдегерлері. 4-сынып оқушысы Ташибаева Самира Халықаралық деңгейде Туркия, Алматы т.б. қалаларда өткен байқаулардың жеңімпазы. Сонымен қоса, 7-сынып оқитын домбырашы Нүрпейісов Нұрсұлтан республикалық, қалалық сайыстардың жүлдегері.