Астана қаласының Балалар көркемсурет мектебінде аттестациядан өтеуге өтініш берген педагогтардың ашық сабақтар байқауы өтті. Өз шеберліктерін мектептің ең үздік оқытушылары көрсетті: Исенова Гүлзия Жағыпарқызы «Кішкентайлар үшін көркемсуреттік нақыш»; Смирнов Алексей Викторович – «Шығармашылық визиттік карточка»; Өтепова Әлия Шәкіржанқызы – «Модерн» стилі», Алтаева Ботагөз Алмабайқызы – «Жыл мезгілдері» декоративті панно»; ши тоқу техникасы; Қаныбекова Әлия Әбубәкірқызы - «Дәстүрлі тәсілмен қазіргі заманғы бұйым дайындау»; Лембаева Гүлнар Кеңесқызы «Гүлдер» панносы»

Дарынды ер балаларға арналған қазақ-түрік лицейінде қаңтардың 24-і күні қалалық Білім басқармасының жетекшілігімен математикадан қалалық деңгейде On-Line сабақ өткізілді. Математика мұғалімі Муамер Гүл олимпиадалық есептерді шығарудың әдістемелері бойынша тәжірибе бөлісті. Муамер Гүл- өте дарынды ұстаз. Ол кісінің еншісінде қалалық, республикалық, халықаралық білім олимпиадалары мен ғылыми жарыстардың 600-ге жуық жүлделі орындары бар. Қаңтар айында өткен қалалық олимпиададан математикадан 17 жүлделі орын алып отыр.

Астана қаласында жалпы білім беретін пәндер бойынша республикалық олимпиаданың қалалық кезеңі қаңтардың 8-9 күндері болды.Біздің дарынды ер балаларға арналған қазақ-түрік лицейінен қалалық олимпиадаға биыл 78 оқушы қатысып, 39 жүлделі орындарға ие болды.Атап айтқанда, І-орын -10, ІІ орын- 14, ІІІ-орын-15.Барлық жүлденің 17-сі математика мұғалімі Муаммер Гүл баптаған шәкірттерге тиесілі.Информатика, химия, биология пәндері құр алақан емес.