Мектептің екінші қабатында бастауыш сынып оқушылары өздерінің қолдан жасаған бұйымдарынан көрме ұйымдастырып, сыныптарында ата-аналарымен, сынып жетекшілерімен наурыз мерекесін өткізді. Мереке барысында ойнатылған ұлттық ойындар мен «Қаражорға» биі оқушыларды ерекше қызықтырды. Балаларының өнеріне тәнті болған ата-аналардың ризашылығында шек болмады.

Өскемен қаласында өткен жалпы білім беретін пәндер бойынша республикалық олимпиадаға жаратылыстану-математикалық бағыт бойынша Астана қаласынан 45 оқушы қатысты. Оның 22-сі –дарынды ер балаларға арналған қазақ-түрік лицейінің оқушылары. Олимпиада қорытындысы бойынша Астана қаласы бойынша барлығы жүлделі орын саны 28 болса, оның 19-ы біздің лицей оқушыларына тиесілі болып, ең үздік команда болып табылды.

Барша шығыс халықтарының жыл басы – Наурыз мерекесін Білім басқармасының мамандары, білім беру ошақтарының басшылары, колледждердің директорлары үлкен жауапкершілікпен, ерекше ықыласпен атап өтті. Жер-Ананың бусанып, күн шуағына бөленетін, мерейлене, құлпыра түсетін шағында, адамдардың бір-біріне туған бауырындай кешірімді де кең болатын, өнерлінің өрісі кең екендігін көрсете білді. М.Утемісұлы атындағы оқушылар сарайында 19 наурызда Астана қаласының Білім басқармасы Наурыз мерекесін атап өтті.