ЖАЛПЫ БІЛІМ БЕРЕТІН ПӘНДЕР БОЙЫНША РЕСПУБЛИКАЛЫҚ ОЛИМПИАДАНЫҢ IV КЕЗЕҢІНІҢ НӘТИЖЕСІНДЕ ЖЕҢІМПАЗДАРЫ

  Наурыз айының 23-29 жұлдызында Оңтүстік Қазақстан облысының орталығы, Президентіміз еліміздің Астана мен Алматыдан кейінгі үшінші қаласы деп атап көрсеткен шырайлы Шымкент қаласында оқушылардың арасында республикалық пәндік олимпиада өтті.

  Бүгінгі педагогика ғылымында дарынды ұстаздан дарынды балаға қол жеткізу аса өзекті. Бұл орайда өткен тәжірибеден сабақ ала отырып, заман талабына сай зияткер, шығармашыл, сыни көзқарасы дамыған, парасатты пайымы бар ұрпақ қалыптастырып, дамыту - көп ізденісті, жан-жақты ойластыруды қажет ететін көкейтесті мәселе.

  Сарыарқаның саумал желімен тербелген аппақ күміс селеулі далада барша дүниені селт еткізіп елең еткізген қала, Тәуелсіз Қазақстанның астанасы Астана қаласының төрінде орналасқан жүз жылдық тарихы бар Жамбыл Жабаев атындағы №4 мектеп-гимназиясы киелі шаңырағының дене шынықтыру пәнінің мұғалімі, екі бірдей қуаныштың иесі - Үсенов Әділет Асқарәліұлын бүгінгі қуанышымен шын жүректен құттықтаймыз.